Banat ( Leaderboard Top ), pagematch: 1, sectionmatch: 1

Poblacion Oriental, Lamac nanuktok sa semis

CEBU, Philippines — Nakasustiner sa ilang kainit ang  Poblacion Oriental ug Lamac hinungdan nga nanuktok na sila karon sa pultahan sa semis sa Inter-Barangay Seniors A sa 7th Mayor Teresa ‘Nene’ P. Alegado Fiesta Basketball Cup didto sa Consolacion.

Mibida na sab ang managsuong Malagar nga sila si Lemuel, Larry ug Louie human nagkumboya’g 56 puntos  dihang gilabhan sa Poblacion Oriental ang Pitogo, 93-79, samtang si Joseph Cabahug dunay 15 puntos aron pangulohan ang Lamac batok sa Casili, 52-42.

Gumikan niini, ang Poblacion Oriental ug Casili mag-abot sa krusyal nga duwa sunod semana diin ang mananaog awtomatik nga moabante sa semifinals nga dunay ‘twice-to-beat’ advantage. Ang nahibiling mga teams magpadayon sa ilang double elimination play alang sa katapusang luna sa semis sa ilang bracket.

Ang Poblacion Oriental naglabaw lamang og uno punto sa halftime, apan nagbangis sa katapusang duha ka kuwarter aron paglubong sa Pitogo og 14 puntos.

Samtang sila si Anecito Pitogo ug Kelvin Maglasang nakatigum og 16 puntos alang sa Lamac nga wala na molingi pa sukad miposte og  20-10 nga labaw.

Sa Inter-Barangay Seniors B, si Junard Pales miiskor og 17 ug si Kevin Maglasang mitali og 16 puntos sa dihang gipilde sa Lamac ang Cabangahan, 84-73, samtang ang Polog milubong  sa Tolotolo, 44-28. (BANAT NEWS)

  • Follow Us: