Banat ( Leaderboard Top ), pagematch: 1, sectionmatch: 1

50-50 nga away

CEBU, Philippines — Maglisud og   husga si ALA Promotions President Michael Aldeguer kun kinsa ang modaog sa gikaintapang sangka tali nila ni defending IBF light flyweight champion Milan ‘El Metodico’ Melindo (36-2, 13KOs) ug two-division world champion Hekkie ‘Hexecutioner’ Budler (31-2, 10KOs) sa main event sa “Pinoy Pride 42: Clash for Glory”  ugma sa gabii didto sa Waterfront-Cebu City Hotel and Casino.

Samtang salig siya sa iyang batos nga si Melindo, si Aldeguer mikompisal nga lisud tag-anon ang resulta sa away ug kinsa ang modaog.

 “We are going to see two of the top light flyweight champions in one ring,” matud pa ni Aldeguer atol sa final press conference kagahapon didto sa Caspian room sa Waterfront Hotel.

“I have trust in Milan but he is facing a Budler, who has proven himself to be a great world champion,”  dugang pa niya. “It’s hard to say who will win because both guys are very gifted. You can’t count either of them out. It is a 50-50 fight.”

Nagpanikad na hinuon si Melindo sa nagsingabot niyang sangka kay gusto niya ipamatuod nga usa siya sa labing dekalibreng boksidor sa  nasud.

Si Melindo, kinsa misakmit sa IBF crown pinaagi sa first-round knockout ni two-division world title-holder Akira Yaegashi sa Japan niadtong Mayo 21 didto sa Tokyo, masaligon nga iyang madepensahan ang bakus niining labing importante niyang away.

“This fight is very important for me. Not only that I will be defending my belt for the first time, but a win will cement my legacy as one of the greatest boxer in the country,” matud pa sa garbo sa Cagayan de Oro City.

Sa iyang bahin, si Budler, ang reigning IBO champion,   miingon nga si Melindo ang labing lisud ug dakong hagit sa iyang karera, apan salig siya sa iyang katakus nga mohimo og surprisa atol sa maong sangka.

“I came here to win. I am well prepared and my only goal is to take that belt home to South Africa,” matud pa sa kanhi WBA minimumweight champion.

Sa supporting main event niining fight card nga gipresentar sa ALA Promotions ug ABS-CBN Sports, si Jason ‘El Niño’ Pagara (40-2, 25KOs) makigbinukbukay ni Kenyan James ‘Onyi’ Onyango (23-11, 19KOs), samtang si former two-division champion Johnriel ‘Quadro’ Alas Casimero (24-3, 15KOs) makigharong ni Jonas ‘Zorro’ Sultan (13-3, 9KOs) sa usa ka IBF junior bantamweight eliminator.

Ang away nilang Casimero ug Sultan maoy labing unang higayon sa kasaysayan sa boksing dinhi sa Pilipinas diin nag-abot ang duha ka Pinoy’ng boksidor alang sa kalibotanong bakus sukad niadtong 1925 dihang si Pancho Villa milampos pagdepensa sa iyang world flyweight title batok ni Clever Sencio. (BANAT NEWS)

  • Follow Us: