Aces napusoy gihapon
CEBU, Philippines - Padayon ang kalbaryo sa Alaska Aces ug nakatilaw na sa ikalimang sunod-sunod nga pilde sa PBA Governors’ Cup nga mibutang kanila sa apeke nga sitwasyon nga makasulod sa playoffs.
Kini human ang Alaska napilde sa usa ka kulbahinam nga double overtime batok sa Blackwater Elite, 111-106 kagabii didto sa Mall of Asia Arena.
Giapas sa Aces ang dakong labaw sa Elite sa third period, apan nalambigit sila sa usa ka sikit nga duwa nga miresulta sa duha ka overtime.
Atol sa second overtime, mipasulod og mga krusyal nga tira sila si Mike DiGregorio alang sa 108-106 nga labaw.
Si import Bill Walker nga mihimo og 35 puntos alang sa Blackwater maoy mikandado sa daog sa Blackwater human sa iyang free-throws sa katapusang singko segundos. Ang Elite aduna na’y 3-3 win-loss record. (BANAT NEWS)
- Latest
