22nd Milo Little Olympics mosikad na
CEBU, Philippines - Lima ka libo kapin ka atleta gikan sa nagkadaiyang tunghaan sa elementarya ug sekondarya sa Kabisay-an ang magtapok alang sa 22nd Milo Little Olympics Visayas Finals nga moulbo na karong hapon diha sa Cebu City Sports Center.
Medyo maglisud ang defending overall champion University of San Carlos sa pagdepensa sa ilang titulo tungod sa pagbalik sa kanhi perennial champion University of Cebu.
“It’s going to be a tough battle for everybody,” matud pa ni head organizer Ricky Ballesteros sa press conference kagahapon didto sa Cube Wing sa SM Seaside City. “We have USC who will be defending its overall title, but I expect UC to come back strong after missing last year’s competition.”
Sa iyang bahin, si Milo Sports Executive Robbie de Vera gibati og dakung kalipay tungod kay ang Milo Olympics nahimong taytayan sa mga batan-ong atleta paingon sa ilang damgo nga moduwa sa mga dagkong international events.
“Our goal is really to prepare them for the next level. We want to be in these young athletes' athletic journey,” matud pa ni De Vera.
“We can see the fruits of our program in the ongoing Southeast Asian Games. Early gold medallists in the likes of Mary Joy Tabal and gymnasts Kaitlin De Guzman to name a few, are products of our program.”
Ang Milo Olympics buksan pinaagi sa usa ka parada sa mga atleta, samtang ang aksiyon sa tulo ka adlaw nga multi-sporting events nga adunay 15 ka sporting disciplines ugma pa sugdan. (BANAT NEWS)
- Latest