9th J&J Surplus Tourney sugdan na karong gabii
CEBU, Philippines - Buksan na karon ang 9th J&J Surplus Ballclub basketball tournament karong gabii diha sa GT Academy gym sa Tayud, Lilo-an.
Adunay 20 ka koponan nga gibahin sa duha ka kategoriya ang mopakita’g aksiyon ning torneyo ubos sa pagdumala sa presidente niining si Henry Agbon ug league commissioner Fury Trazona.
Mopakita’g aksiyon ubos sa bracket A mao ang defending champion E&F Surplus, Villareyna Subdivision, Purok Dabong, Road Warriors, Rene Marketing, GT Cosmetics, A-G Blizzard Team, Northern Energy, KTV Restaurant ug Royale Business Club.
Nagtapok sa bracket B mao ang runner-up J&JSurplus uban sa Veneranda Subdivision, Duke Rescue Team, Union Galvasteel, Victorious Eagle, GTNA Cool Mommies, Carwash Team, Pagutlan Warriors, The Jammerz ug Domz Auto Supply.
Ang torneyo mosubay og single round robin format sa elimination matag bracket. Upat ka teams ang kuhaonmatag bracket diin ang top 2 makaangkon og ‘twice-to-beat’ incentives sa quarterfinals. Ang modaog moabante sa crossover semifinals sa usa ka ‘best-of-three’ series diin ang no. 1A moharong sa no. 2B, samtang ang no. 1B makigbatok sa no. 2A.
Ang modaog maoy magsangka sa knockout finals. (BANAT NEWS)
- Latest