6th CSCRO7 Run sa Sept. 2
CEBU, Philippines - Ang Civil Service Commission Region 7 mopahigayon sa ikaunom nga edisyon sa ilang CSCRO7 Fun Run sa Septiyembre 2 sa Camp Lapu-Lapu sa Barangay Apas, siyudad sa Sugbo.
Ang tinuig nga lumba kabahin sa usa ka buwan nga selebrasyon sa ika-117 nga anibersaryo sa Philippine Civil Service Commission.
Ang maong lumba usa sab ka charity run alang sa pamilya sa mga public servants nga mipanaw tungod sa pagbuhat sa ilang trabaho. Ang pundo gamiton sa mga scholarships ug financial assistance sa mga gibiyaang pamilya sa maong mga empleyado.
Ang lumba gilangkuban sa 4K ug 7K categories. Ganting salapi ug medalya ang madawat sa top finishers.
Ang registration fee nagkantidad og P350 sa adunay singlet ug P150 sa walay singlet.
Mahimong magparehistro sa CSC Regional Office 7 sa Barangay Sudlon sa Lahug ug Mega Cebu Office.
Sa dugang pangutana mahimong motawag sa CSCRO7 sa numero 253-9050, 414-7676 ug 414-7488. (BANAT NEWS)
- Latest
