Gilas Pilipinas buot motapos sa ikalima puwesto sa FIBA Asia Cup

CEBU, Philippines - Buot sa Gilas Pilipinas  nga makarekober gikan sa ilang sakit nga kapildihan  sa dihang sangkaon nila ang host team Lebanon alang sa fifth place sa FIBA Asia Cup karong gabii  didto sa  Nouhad Nawfal Sports Complex sa Beirut, Lebanon.

Bisan og pakyas sila pagsulod sa semifinals, ang Gilas gusto  nga motapos sa torneyo sa top five.

Konsuylo na sa Gilas ang ikalimang dapit ug dili  sila gusto nga monaog pa sa ubos ilabi na nga kaduha sila misulod sa finals sa miaging duha ka edisyon sa FIBA Asia Cup.

Dili gihapon sayon ang misyon sa Gilas alang sa fifth place tungod kay ang Lebanon usa sa mga init nga koponan atol sa preliminary rounds sa wala pa sila gipilde sa  powerhouse nga Iran sa quarterfinals. (BANAT NEWS)