Sinukmagay na sab sa Amateur Boxing revival
CEBU, Philippines - Ang aksiyon sa Cebu Amateur Boxing Revival padayonon karong gabii diin 12 ka parisan ang magbangga diha sa Plaza Sugbo.
Sugdan ang sangka sa alas-6 sa gabii.
Ang The ‘A’ Gym maoy mipadala sa labing daghan nga entrante niining ikaduhang hugna sa torneyo nga ipahigayon kaduha sulod sa usa ka bulan.
Pito ang ilang pambato nga sila si Jay-R Velasquez, Prince Genesis, Jemmuel Asocena, John Niño Vega, Dominique Casanares, Alex Santesima ug Patrick Gantuangco.
Si Velasquez mohamag ni Clinton Martinez sa Phil-Aust Gym sa 36 kgs. category ubos sa kids/novice division, samtang sila si Genesis ug Asocena makigbugno nilang Louie Jay Tumale sa Labogon Boxing Club (35.5 kgs) ug Norman Rosiana sa Cebu City Sports Center ( 51 kgs.) sa school boys/developmental division.
Sangkaon ni Vega si Eduardo Jimenex sa CCSC (46 kgs.), Casanares batok Bryan Remedio sa UV Boxing Team (49 kgs.), Santisima batok William de la Cruz sa CSCC (55.5 kgs.) ug Gantuangco batok Vicente Seos-e Jr. sa UV Boxing Team (56 kgs.) sa juniors/experienced division.
Lain pang mobanat mao sila si Henderson Hortelano sa Carmen Boxing Club batok Wyn Cabradilla sa Talisay BC (26 kgs.), Sebastian Agojar sa Phil-Aust batok Roderick Hetalada sa Carmen BC (28 kgs.), Jefferson Trazo sa Talisay BC batok Mark Anthony Chavez sa CSCC (30 kgs.), Jayron Cole sa Phil-Aust batok Joven Belotindos sa Labogon BC (36.5 kgs.), ug Marjun Bato sa Carmen BC batok John de la Cerna sa Wakee BC. (BANAT NEWS)
- Latest
