JJ&J nagsolo na karon sa liderato
CEBU, Philippines - Nagsolo karon sa liderato and JJ&J Construction ang General Supply human midaog batok sa Jemar-Celjin, 73-64 sa Gonzalodo Builders Inter-company Sportsfest 2017 niadtong Huwebes sa gabii didto sa Greenville sports gym sa Barangay Casili, Consolacion.
Si Joel Dean maoy labing kuyaw nakaduwa ug gipangulohan ang kadaogan pinaagi sa iyang 24 puntos.
Sa first half pa lang, nagpangamay na ang kadaogan sa JJ&J human sila milansang og 44-18. Si Denmar Collamat miabuno og 14 puntos ug si Dandred Dean miani og 13 puntos.
Upat lang ang nakaiskor sa Jemar-Celjin nga gipangulohan ni Philip Canoy nga mikabkab og 23 puntos, gisundan ni Jessie Maratas nga adunay 16 puntos. Sila si Harold Ramas ug Jayson Melecio nagkumboya’g 25 puntos sa Jemar-Celjin nga wala pay daog sa tulo ka duwa.
Sa laing aksiyon, ang San Narcisco Builders Corp. (SNBC) yano kaayong miiskor sa ikaduha nilang daog pinaagi sa paglubong sa Gonzalodo Enterprises, 64-37.
Bugtong si Dann Nillas lang ang miiskor og double figures sa SNBC nga miantog og 22 puntos, apan maayo nga pagkabahin-bahin ang ilang iskor aron mokulit og 2-1 nga baraha.
Sila si Earl Villacarlo ug Robert Maningo mikadlit og siyete puntos matag usa alang sa Gonzalodo nga nagbitbit karon og 0-1.
Unang duwa:
SNBC (64) – R. Nillas 22, N. Gonzaga 9, M. Maglasang 9, H. Mirasol 8, J. Maglasang 5, M. Puerto 5, K. Maglasang 4, G. Ytang 2.
GONZALODO (37) – E. Villacarlo 7, R. Maningo 7, R. Enumeraldes 4, M. Uy 4, R. Solis 4, D. Erunio 4, J. Oscillada 3, R. Muñez 2, A. Gonzalodo 2.
Ikaduhang duwa:
JJ&J (73) – J. Dean 24, D. Collamat 14, D. Dean 13, Chaeyh 8, A. Ambo 4, R. Maningo 4, Twins 3, J. Bonjoc 3.
JEMAR-CELJIN (64) – P. Canoy 23, J. Maratas 16, H. Ramas 15, J. Melecio 10.
(BANAT NEWS)
- Latest
