CPSC mopahigayon futsal tourney sa Argao karong weekend

CEBU, Philippines - Isip kabahin sa selebrasyon sa ika-448 nga anibersaryo sa pagkakaplag sa Probinsiya sa Sugbo, ang  Cebu Provincial Sports Commission ug sa  pagtambayayong sa Cebu Football Association mopahigayon og futsal tournament karong  Agosto 19-20 didto sa Sec. Serge Remonde Sports and Cultural Center sa Poblacion, Argao.

Ang duha ka adlaw nga kompetisyon nga tipik sa grassroots sports development program sa CPSC abli sa tanang mga  siyudad, lungsod, sports clubs ug pampubliko ug pribadong tunghaan nga interesado mopadala og teams.

Mga kategoriya nga kumbatihan mao ang mixed under-11, girls ug boys under-15 ug girls under-18.

“This tournament is aimed at producing a pool of young athletes which may be tapped to represent Cebu Province in relevant regional and national competitions,” matud pa ni CPSC Executive Director Atty. Ramil P. Abing.

Libre ang registration ning maong aksiyon karong weekend.

Alang sa dugang mga detalye, kadtong mga interesado mahimong motawag ni Brando Velasquez o Lyle Larida sa 254-8943. (BANAT NEWS)