Pacquiao mitimbaya sa mga pinoy'ng atleta

CEBU, Philippines - Si Senador Manny Pacquiao midasig sa mga Pinoy’ng atleta nga buhaton tanan kutob sa ilang mahimo aron makahatag og dungog sa Pilipinas sa 29th Southeast Asian (SEA) Games nga sugdan karong Sabado didto sa Kuala Lumpur, Malaysia

Matud pa ni Pacquiao nga gawas sa pakigbisog aron makab-ot ang giambisyon nilang medalya, mahinung-danon sab nga mapakita sa mga representante

sa nasud ang dalaygon nga kinaiya ug maayong batasan sa mga Pinoy sa maong 10 ka adlaw nga torneyo nga mahitabo kausa lamang sud sa duha ka tuig.

“Of course, I, for one will be praying for you to bring home the bacon,” matud pa sa eight-division world champion.   “But most importantly, as our country’s ambassador of goodwill, let our tri-colors fly high in all the venues, not only in terms of engaging in battle, but, likewise, in once more showing to all and sundry what our country is and what kind of people Filipinos are in character and values.”

Nanghinaut si Pacquiao nga makab-ot sa iyang mga kababayan ang ilang damgo ug ingon man makapundar sila og maanindot nga handumanan sa ilang dughan  nunot sa ilang pagsalmot sa maong prestihiyoso nga kompetisyon.

“Masuwerte kayo at kayo’y napili para maging kinatawan ng bansa sa isang malaking pagtitipon gaya ng SEA Games,” dason pa ni Pacquiao.

“Kaming maiiwan dito sa Pilipinas will be following your exploits, praying for your safety. Na kayo, minsan pa ang magiging catalyst of our nation’s unity. Gaya noon na kapag lumalaban ako sa ibang bansa, kasama kayo ng ating mga kababayan na hindi lumalabas ng bahay. Nanonood sa tv, nakikinig sa radyo sa paghihintay ng resulta,” matud pa sa Pinoy ring star. (BANAT NEWS)