World Peace sa PBA?
Bukas si kanhi NBA champion nga si Metta World Peace (kanhi Ron Artest) nga moduwa sa PBA isip import kon ugaling adunay motanyag kaniya.
Ang 37-anyos nga si World Peace wala na kakuha og kontrata sa NBA human siya miduwa og usa ka season sa Los Angeles Lakers.
Yeng Guiao nawili kasinatian ni Baguio
Giangkon ni NLEX Road Warriors coach Yeng Guiao nga ang taas nga kasinatian sa liga ni Cyrus Baguio maoy rason nganong ila kining gikuha.
Si Baguio nga nakuha sa NLEX pinaagi sa trade sa Phoenix Fuel Masters, tahasan ni Guiao nga mogiya sa mga batan-ong player sa Road Warriors.
Sotto 7-foot-2 na
Gikan sa 6-foot-9, ang 14-anyos Pinoy teen basketball prospect nga si Kai Sotto mitubo karon ang gitas-on ngadto sa 7-foot-2.
Si Sotto nga sinaligan sa Batang Gilas ug Ateneo de Manila University (AdMU) Blue Eaglets gitan-aw nga moabot pa sa 7-foot-5.
- Latest