PacHorn “rematch” hapit na mapinalisar
CEBU, Philippines - Gipahibawo ni Top Rank chairman Bob Arum nga hapit na nila mapinalisar ang rematch tali nilang Manny Pacquiao ug Jeff Horn.
Segun sa taho ni Chris Mannix sa Yahoo! Sports, si Arum mipadayag nga gamay na lang ang kuwang aron hingpit na nilang maselyado ang ikaduhang away nga parehong gihandum sa duha ka boksidor.
Gipakuratan ni Horn si Pacquiao niadtong Hulyo 2 atubangan sa iyang mga kababayan didto sa Suncorp Stadium sa Brisbane, Australia aron ilhon siya isip bag-ong WBO welterweight champion.
Apan daghan ang mikuwestiyon sa iyang unanimous decision nga kadaogan ug usa na si Pacquiao niini.
Gusto karon ni Arum nga mohimo og ‘background check’ sa mga judges alang sa rematch.
Subay niini, giawhag ni Arum ang WBO pagsumiter sa mga pangan sa judges ug kinahanglan nga aprobado kini sa duha ka habig.
Kon maluto na, plano ni Arum nga ipahigayon ang PacHorn 2 sa naghinapos nga bahin karong tuiga lagmit sa bulan sa Nobiyembre sa wala pa matino nga binyu. (BANAT NEWS)
- Latest
