Good luck, Joy

CEBU, Philippines - Ang garbo nga long distance runner sa Sugbo nga si Mary Joy Tabal molarga na padulong sa Malaysia karong adlawa uban ang paglaum nga makatunol og bulawang medalya sa Pilipinas sa 29^th Southeast Asian (SEA) Games nga gikatakda sa Agosto 19-30 didto sa Kuala Lumpur.

Isip rayna sa marathon dinhi sa nasud nga mikulit pa og kasaysayan isip labing unang Pinay marathoner sa Olympics sa miaging tuig didto sa Rio de Janiero, Brazil, taas ang gihandum sa kadaghanan ni Tabal aron palabwan niini ang nakab-ot niyang silver medal sa miaging SEA Games didto sa Singapore niadtong 2015.

Giangkon ni Tabal nga isip sakop sa Phl athletics team nagabaton siya og presyur ilabi na kay ang atensiyon adto punting kaniya sa women’s marathon event sa unang adlaw sa kompetisyon karong Sabado, Agosto 19.

“Pressure I think is part of every athlete because you are not doing it for yourself alone but for the country,” matud pa sa garbo sa Guba, bukirang barangay sa dakbayan sa Sugbo diin niya gihulma ang solidong pundasyon sa maanindot niyang sugod.

“But for me, it’s more on loving the sport you are in. It's doing the hardest you can so you will be able to achieve your goal.”

Nagkanayon si Tabang nga isip usa ka national athlete aduna siya’y dako nga reponsibilidad nga gihuptan ug buot niyang buhaton tanan kutob sa iyang mahimo aron kapamatud-an ang iyang katakus.

“It’s a national pride to be chosen to represent our country for an international competition,” matud  sa beteranang marathoner nga nakaladlad na sa iyang abilidad didto sa Boston, Los Angeles, Paris ug Ottawa, Canada isip kabahin sa iyang ganti sa pagdaog sa National Milo Marathon sa milabay’ng upat ka tuig.

Kabahin sa iyang misyon didto sa Malaysia, masaligon nga gipadayag ni Tabal nga dili tanan mogilak bulawan.

Labaw sa pagbira og gold medal,  ang labing mahinungdanon alang   kangTabal mao angpagdala sa bandila  sa   nasud   uban   ang   dakong garbo   ug dungog  sa prestihiyosong kompetisyon nga mahitabo kausa lamang sulod sa duha ka tuig.

“I’m excited, nervous, thankful and hopeful. I will surely give a good fight. I will wear the flag with pride and honor, complete with a heart and I will fight like a warrior,” saad ni Tabal. (BANAT NEWS)