Banat ( Leaderboard Top ), pagematch: 1, sectionmatch: 1

Amahan ni McGregor nanganti

CEBU, Philippines - Nanganti ang papa ni Conor McGregor nga si Tony nga tay-ogon sa iyang anak ang kalibutan sama sa usa ka linog human sa gikahinaman nilang sangka ni Floyd Mayweather, Jr. sa naghinapos nga bahin nilang bulan sa Agosto.

Sigun sa taho ni Marc Raimondi sa mmafighting.com, si Tony McGregor mipadayag nga wa man tuod hatagi sa mga batid sa boksing og bisan gamay na lang nga tsansa ang iyang anak nga modaog ni Mayweather apan siya masaligon nga kaonon ra unya sa mga kritiko ang ilang gipanulti.

“The boxing fraternity, they wrote Conor off.  No one in the boxing world is giving him a chance. I think what Conor is going to produce in the T-Mobile on the 26th is nothing short of a seismic shock. It’s going to reverberate right through the whole unarmed combat world,” bahad pa ni Tony McGregor.

Sa pagka karon, gitamod ni Tony si Mayweather isip numero unong fighter sa tibuok kalibutan apan  malaumon siya nga ang Amerikanong boksidor manaog ra sa ikaduhang puwesto gumikan kay mapuhalan man kini ni Conor.

Si Conor McGregor, ang labing sanag nga bitoon sa UFC diin siya nakadaog og duha ka titulo sa managlahing weight division, gikatakda nga makigsinukliay og kumo ni Mayweather karong Agosto 26 didto sa T-Mobile Arena sa Las Vegas.

Gipasiatab sa mga promoters nga mao kini unya ang ilhon isip labing dako nga away sa kasaysayan apan daw layo pa kini sa tinuod gumikan kay hangtud karon ubay-ubay pa man ang tickets nga wala mahalin. (EBV) (BANAT NEWS)

  • Follow Us: