Banat ( Leaderboard Top ), pagematch: 1, sectionmatch: 1

Japan o South Korea sangkaon sa Gilas

CEBU, Philippines - Anaa ra sa Japan o South Korea ang posibleng ikasangka sa Gilas Pilipinas sa quarterfinal round sa 2017 FIBA Asia Cup karong Miyerkules didto sa Lebanon.

Ang Japan ug South Korea unang magharung sa quarterfinals, samtang ang Gilas cagers magpaabot sa mudaog sa duha aron masuta kon asa sa duha ang ilang atubangon. Ang Japan mitapos sa ikaduhang dapit sa Group D, samtang ang South Korea maoy third placer sa Group C.

Ang duha ka koponan nailhan nga mga higpit nga karibal sa mga Pinoy diin ang mga duwa miresulta kanunay sa kulbahinam nga engkuwentro. Ang Gilas katapusang nakigsangka sa Japan sa semis sa FIBA Asia Cup sa 2015 diin midaog ang Pinas.

Sa ilang bahin, ang Gilas nakigharung sa South Korea niadtong tuig 2013 diin nakaipsot ang mga Pinoy kanila.

Laing mga koponan nga misulod sa quarterfinals mao ang mga power-house nga Australia ug Iran. Milusot usab ang New Zealand, Jordan ug Lebanon nga gipangulohan sa tournament high-scorer nga si Fadi El-Khatib.

Bisan pa sa gihimong makapakurat nga daog sa Gilas batok sa defending champion nga China, ang national team head coach nga si Chot Reyes miingon nga layo pa og latason paingon sa kampiyonato tungod usab sa lig-on nga mga koponan nga nahibilin. (LPM)  (BANAT NEWS)

  • Follow Us: