50 golds target sa Philippines

CEBU, Philippines - Ang Chef de Mission sa Team Philippines nga si Cynthia Carrion-Norton positibo nga makuha sa Team Philippines ang target nila nga 50 ka bulawang medalya atol sa Southeast Asian Games nga buksan sunod semana didto sa Kuala Lumpur, Malaysia.

Ang 50 ka gold medal   mao unya ang labing daghan nilang marehistro sa kasaysayan sa SEA Games. Mihimo sila sa labing dako nilang kalampusan niadtong tuig 2005 diin mihakot ang mga atletang Pinoy og 113 ka golds dihang ang Pilipinas ang mi-host sa multi-sporting event.

Sa katapusang SEA Games niadtong 2015, ang Pilipinas mihimo og makauuwaw nga performance  diin mipunit lang sila og 29 ka golds.

Ang Phl team mopadala og 494 ka mga atleta didto sa Malaysia nga adunay usa ka misyon nga mao ang pagbalik sa nasud isip usa sa mga sporting powerhouse sa Southeast Asia.

Gisaligan ni Carrion-Norton mao ang  individual sports ug   combat events diin mipakita sa ilang kadominante ang mga Pinoy sama sa wushu, taekwondo, boxing uban ang archery ug weightlifting.

Sandigan sa team events mao ang Gilas Pilipinas sa basketball ug Philippine Volcanoes sa rugby