Banat ( Leaderboard Top ), pagematch: 1, sectionmatch: 1

Watanabe damgo maka-golden treble sa SEAG

CEBU, Philippines - Andam na si    Filipino-Japanese judo champion   Kiyomi Watanabe ug masaligon nga makahatod og bulawang medalya sa   ikatulong sunod-sunod nga higayon sa Pilipinas sa 29th Southeast Asian Games karong  Agosto 19-30 didto sa Malaysia.

“I will do my best. I will go for the gold,” matud pa ni Watanabe atol sa press conference kagahapon didto sa Kan-anan Restaurant didto  sa Robinsons Galleria Cebu.

Mitambong sab sa maong press conference mao sila si Philippine Sports Commissioner Ramon ‘El Presidente’ Fernandez,  PSC-7 Executive Director Boobi Kintanar, Philippine Judo Federation Inc. President  Dave Carter ug Cebu Sports  Commissioner Nimrod NL Quiñones nga misaad sa ilang suporta sa Sugboanang judoka.

“Wherever she wants to go to compete in any parts of the world, we will support her,” matud pa ni Fernandez. “It’s because of her attitude and focus sa iyang goal, that’s why we have committed to support her all the way from SEA Games to Asian Games hangtod na Tokyo 2020 Olympics and sa Paris Olympics.”

Ang back-to-back SEAG gold medalist nga si Watanabe, kinsa moduwa sa 63kg. weight class, bag-o lang midaog og bronze medal sa IJF Grand Slam Paris 2017 nga mihimo kaniya nga labing unang Southeast Asian nga nakakuha og medalya sa maong prestihiyosong torneyo.

Si Watanabe, 20-anyos nga dili kaayo larino mosulti og Bisaya ug Englis giubanan sa iyang inahan nga si Irene Sarausad isip interpreter.

Si Irene nga lumad gikan sa dakbayan sa Toledo mitug-an nga  si Kiyomi seryoso sa iyang training sa tuyo nga maka-gold sa ikatulong higayon sa biennial sports conclave.

“Target namo is gold gyud,”  matud ni Irene, kansang anak mapasigarbuhon  nga nakarepresentar  og usab sa nasud sa giisip nga Southeast Asia’s Olympics.

Human sa SEA Games, si Watanabe  mosalmot sa World Judo Championships sa Budapest Hungary sa hinapos nga bahin ning tuiga.

“Everybody must do their best. Disiplina lang gyud and continuous practice lang,” dugang pa ni Watanabe nga  taas kaayo og damgo  nga mao ang  paghatag sa Pilipinas og medalya sa Olympics.

“Ang dream gyud niya is the medal sa Olympics. Any color basta maka-medal siya,” matud pa ni Irene.

  • Follow Us: