Fajardo miapil praktis didto sa Lebanon
CEBU, Philippines - Adunay dakong posibilidad nga moduwa si JuneMar Fajardo sa nagpadayong FIBA Asia Cup.
Kay si Fajardo nasigpatan nga miapil sa team practice sa
Gilas Pilipinas didto sa Beirut, Lebanon.
Si Fajardo nakahiagum og injury sa tiil sa wala pa sugdi ang torneyo, apan miuban gihapon siya sa koponan didto sa Lebanon.
Ang Sugboanong sentro miapil sa shooting drill, apan wala kini mihimo og grabe nga lihok tungod kay gipahuway niya iyang angol. Kon ugaling moabot sa taas nga bahin ang kampanya sa Gilas sa FIBA Asia, dili imposible nga moduwa si Fajardo.
Si Fajardo mitug-an sa iyang teammates ug Gilas coaching staff nga gusto siya nga moduwa, apan mahitabo kini kon moarang-arang iyang injury ug ingon man tugtan siya sa team physician. (BANAT NEWS)
- Latest