MPPH-Cebu, 2-0 na sa 1st Friendship Basketball League
CEBU, Philippines - Nagkumbinar og 31 puntos sila si Jay-R Gocotano ug Jumar Toyugan alang sa MPPH nga milansang sa ilang ikaduhang sunod-sunod nga daog sa 1st Friendship Basketball League.
Dili basta-basta ang kadaogan sa MPPH kay ilang gilubong ang HPAIS, 58-34 alang sa ilang 2-0 nga baraha niadtong Domingo didto sa Sacred Heart School old campus sa Gen. Maxilom Avenue, siyudad sa Sugbo.
Si Gocotano miburak og 16 puntos, samtang ang league organizer ug commissioner nga si Toyugan mibahog og 15 puntos, kansang kadaogan nagbansiwag human milabaw og 24 puntos paghuman sa tulo ka kuwarter sa iskor nga 45-21.
Upat lang ka players ang nakaiskor sa HPAIS nga gipangulohan ni Tiopes pinaagi sa iyang 12 puntos.
Sa laing mga duwa, ang Selected Warriors ug AC Troppers gisugat og daog human gipilde ang tagsa-tagsa nilang kaatbang.
Ang Selected Warriors milumpag sa Tower 2 Residences, 54-47, samtang ang AC Troppers miagi pa og kalisud una makaeskapo bitbit ang 57-56 nga kadaogan batok sa HSKPG.
Miiskor og 11 puntos si D. Nacua aron mangulo sa scoring sa Selected Warriors.
Mibida sa Tower 2 si Ronilito Lumayno nga mikabkab og 17 puntos.
Sa laing bahin, sila si Abuyon ug Villamora nagkumboya’g 30 puntos alang sa AC Troppers, samtang ang HSKPG gipangulohan ni Rex Lucero sa iyang 13 puntos.
Ang AC Troppers ug Selected Warriors aduna na’y 1-0 win-loss records, samtang ang HSKPG, Tower 2 ug HPAIS nagbitbit og 0-1 nga baraha ning maong liga nga gipaluyohan nilang Tristan John dela Cruz, Tanya Noreen Elumba ug Crisally Egloria nga misaksi gyud sa duwa uban nilang Reena Nainki, Eugene Platero ug Joseph Indino.
Puntos matag usa
Unang duwa:
Selected Warriors (54) – D. Nacua 11, J. Nacua 8, Isobal 6, Panares 6, H. Nacua 6, J. Lopez 6, Esco 4, Villalorte 4, Eras 3.
Tower 2 (47) – Lumayno 17, Bangcat 11, Rivera 8, J. Rivera 6, Escosar 3, Penaranda 3.
Ikaduhang duwa:
AC Troppers (57) – Abuyon 16, Villamora 14, Lerio 9, Soco 6, Rosales 4, Burlaos 4, Obeido 2, Basiga 2.
HSKPG (56) – Lucero 13, Olleta 9, Lambojon 9, Baring 8, Fortuna 4, William 6, Amir 4, Rodcel 3.
Ikatulong duwa:
MPPH (58) – Gocotano 16, Toyugan 15, J. Almonia 8, E. Estorba 5, Casquejo 5, Anglit 4, Purca 3.
HPAIS (34) – Tiopes 12, Saycon 6, Isacus 7, Baisac 2. (BANAT NEWS)
- Latest