Ravena, Paras mobida sa SEAG
CEBU, Philippines - Ang amateur standout nga si Kiefer Ravena ug si US NCAA standout Kobe Paras maoy mobida sa Gilas Pilipinas nga mosuway pagsakmit sa gold medal sa Southeast Asian Games sa Agosto didto sa Kuala Lumpur, Malaysia.
Sila si Ravena ug Paras nga bag-o lang miduwa uban sa Gilas sa William Jones Cup, nalakip sa line-up nga gisumitir sa Samahang Basketbol ng Pilipinas (BSP). Lakip sa mga moduwa sa SEA Games mao ang mga Gilas cadets nga sila si Raymar Jose, Von Pessumal, Mike Tolomia, Almond Vosotros, Kevin Ferrer, Baser Amer ug PBA forward nga si Troy Rosario.
Ang defending champion nga Gilas mosugod sa ilang kampanya sa SEA Games batok sa Thailand, sundan sa sangka batok sa Myanmar ug dayon ang Malaysia.
Ang Pilipinas mao ang kanunay nga kampiyon sa basketball event sa SEA Games ug kausa pa lang kini napilde sa finals niadtong 2005 batok sa Malaysia. (BANAT NEWS)
- Latest