Abella, Piscos daog sa St. Ignatius Run
CEBU, Philippines - Sila si Lizane Abella ug Rafael Piscos maoy migawas nga labing paspas sa tagsa-tagsa nila ka dibisyon sa St.Ignatius Run kagahapon sa buntag didto sa SM City Cebu grounds.
Si Abella maoy unang milabang sa finish line sa 21K women’s sud sa usa ka oras, 27 minutos ug 21 segundos. Nagsunod kaniya si Ruffa Sorongon sa oras nga 1:27:32, samtang si April Flynn milublob sa ikatulo sa oras nga 1:42:00.
Si Piscos naglawig sa men's class sa oras nga 1:13:00. Si Joseph Emia maoy second placer sa oras nga 1:15:00 gisundan ni James Zafico sa oras nga 1:22:00.
Sa 12K, si Arnel Florentino maoy midaog sa men's, samtang si Cherry Andrin ang reyna sa women’s bracket.
Si Florentino mirehistro og oras nga 42:43, samtang sila si Michael Largo (42:44) ug Earl Pionela (43:26) miokupar sa ikaduha ug ikatulong dapit.
Si Andrin maoy misutoy sa oras nga 55:04 gisundan sa iyang igsuon nga si Lovely (56:21) ug Cherma Monsanto (58:14).
Migawas nga mananaug sa 6K category sila si Prince Joey Lee (19:54) ug Mary Joy Loberanis (25:05), samtang sila si Harold Guiao (10:26) ug Charisse Encarnacion (12:44) misakmit sa 3K titles.
Sila si Ian Cabral (7:41), Moira Erediano (12:45) ug Mark Perez (26:08) mao usab ang top finishers sa 1K, 3K, ug 6K student category. (BANAT NEWS)
- Latest