Canada unang sangkaon sa gilas pilipinas

CEBU, Philippines - Ang  3D Global Sports sa Canada  mao ang unang sangkaon sa Gilas Pilipinas sa William Jones Cup karong Hulyo 15 didto sa Taiwan.

Maisip kini nga tune-up tournament sa Gilas Pilipinas tungod kay ang moduwa sa Jones Cup mao usab ang morepresentar  sa  nasud alang sa 2017 SEA Games sa Agosto 19 didto sa Malaysia.

Uban sa import nga si Mike Myers,  ang Gilas Pilipinas bidahan nila ni TNT KaTropa star Troy Rosario ug mga amateur standouts nga sila si Ray Parks Jr., Kiefer Ravena ug Kobe Paras.

Mosuporta usab ang Fil-German nga si Christian Standhardinger nga sa labing unang higayon mopakita og aksiyon uban sa nasudnong koponan.

Gawas sa Canada, laing sangkaon sa Gilas Pilipinas mao ang host team nga Taiwan, Japan, South Korea, Lithuania, India, Iraq ug defending champion nga Iran.

Ang Gilas Pilipinas katapusang miduwa sa Jones Cup niadtong tuig 2015 diin mitapos sila sa ikaduhang dapit sunod sa powerhouse Iran. (BANAT NEWS)