Santisima, Pagara gutom og “Knockout” nga daog
CEBU, Philippines - Ang ALA Gym rising prospects nga sila si Jeo ‘Santino’ Santisima ug ‘Prince’ Albert Pagara parehong mangambisyon nga mohimo og impresibong daog aron mopaduol sa damgo nilang world title fight.
Ang duha moaway sa supporting bouts sa “Pinoy Pride 41: New Generation Warriors” sa Hulyo 8 diha sa IEC Convention Center diin moaway sa main event si WBO International featherweight champion Mark Magsayo batok ni Nicaraguan Daniel Diaz.
Si Santisima (13-2, 11KOs) miangkon nga naghinam-hinam siya nga makatilaw og regional title aron mosulbong iyang pangan sa world ranking. Paningkamotan niya nga iyang mapatumba ang wa’y pildeng si Goodluck Mrema (16-0, 8KOs).
Sa iyang bahin, si Pagara mitug-an nga nakarekober na siya gikan sa iyang kapildihan niadtong miaging tuig batok ni Cesar Juarez. “Wala nato nako huna-hunaa kay ang akoa ron mabalik akong pangan nga usa ka world title contender,” matud pa ni Pagara (27-1, 18KOs) nga makigsangka sa Thai nga si Aekkawee Kaewmanee. (BANAT NEWS)
- Latest