Horn sayong ma-knockout

CEBU, Philippines - Wala mosaad og ‘knockout’ si Manny Pacquiao, apan ang iyang trainer nga si Freddie Roach mipridiktar nga sayong mahuman ang sangka sa iyang boksidor ug ni Australian Jeff Horn karong Domingo (oras dinhi sa Pilipinas) didto sa Suncorp Stadium sa  Brisbane, Australia.

Kini kay matud pa ni Roach dako kaayo ang deperensiya sa abilidad ni Pacquiao ug ni Horn. Sa iyang nakita sa training ni Pacquiao, nagtuo siya nga malup-og si Horn sa maong away.

Matud ni Roach nga si Pacquiao   nakapatumba sa iyang sparmates ug salig siya nga may katakus pa ang iyang prized fighter moiskor og ‘knockout’ nga kadaogan.

Dugang pa ni Roach nga si Horn nahimong pro-boxer niadtong tuig 2013 ug layo kaayo kini itandi sa kasinatian ni Pacquiao. (BANAT NEWS)