LLBA drafting ugma na

CEBU, Philippines - Ang Lapu-Lapu Basketball Association (LLBA) mopahigayon sa ilang tinuig nga drafting ugma sa gabii didto sa Villas Magallanes gym sa Sta. Lucia Property sa Basak dakbayan sa Lapu-Lapu.

Napulo ka teams  ang mosalmot sa ikasiyam nga edisyon sa maong torneyo nga naglakip sa VKK-Fiona CARL nila ni co-team owners Victor Malingin ug Nestor Villarino, COMFA ni Ely Gomos, Mojitos ni Pablo Roy Cortes, Rollway ni Rolly dela Pieza,  Taytayan ni Dr. Ian Godornes, Westland Insurance ni Vice Mayor Marcial Ycong, NEBJ Construction ni Neil Bega ug Saryo Cortes, Cebu Halleys ni Brian Cañete, Igot Trucking ni Junax Igot ug Lab Solution ni Artis Pinote.

Ang mga opisyales sa maong liga mao sila si Dr. Mike Ouano (president), Archie Ompad (vice president), Cris Bacus (secretary), Neil Burlaos (treasurer) ug commissioner nga si Eduardo Bontes.

Ang torneyo gisuportahan usab nila ni Mayor Paz Radaza, Congresswoman Aileen Radaza ug city councilor Harry Don Radaza. (BANAT NEWS)