Cabagnot batok Ross sa BPC award
CEBU, Philippines - Segurado na nga usa ka San Miguel Beermen ang modaog sa “Best Player of the Conference” award sa PBA Commissioner’s Cup kay sila si Alex Cabagnot ug Chris Ross maoy nag-una nga kandidato sa maong pasidungog.
Talagsaon kining higayon nga duha ka teammates ang magkaribal alang sa BPC award, apan dili mapugngan sa kaso nila ni Cabagnot ug Ross tungod kay pulos sila mipakita og impresibong performance karon nga conference nga daku og natabang sa kadaogan sa Beermen.
Mipahiluna sa ikatulong dapit ang ilang teammate nga si June Mar Fajardo, samtang sila si Jayson Castro sa TNT KaTropa ug Stanley Pringle sa GlobalPort Batang Pier mikompleto sa lima ka kandidato.
Ang BPC award ihatag sa dili pa magsugod ang Game 4 karong gabii. (BANAT NEWS)
- Latest