3 mil toneladang bugas posibleng madaot
CEBU, Philippines - Ang Bureau of Customs-Port of Cebu nihangyo ngadto sa National Food Authority-7 nga ibalhin sa ilang warehouse ang 3,000 ka toneladang bugas nga nagkantidad og P123 milyones nga naa pa karon sa barko nga MV Quang Minh
Si Elvira Cruz, ang district collector sa BOC-Cebu sa iyang suwat ni NFA-7 regional director John Robert Hermano niadtong Hunyo 6, 2017 nagkanayon ang maong barko nag-angkorahi dapit sa Talisay City ug Minglanilla area.
Buot niya kining mabalhin aron dili kini malata o mabasa ba kaha sa tubig gikan sa dagat.
Sa iyang tubag pag Hunyo 20, 2017, nagkanayon si Hermano nga ang ilang buhatan sa Manila lang ang modesisyon niini.
Si Cruz niluwat og warrant of seizure and detention batok sa maong barko ug sa sinakong bugas niini human wala kini ni-file og entry of arrival sa Cebu pag-abot adtong Marso nga paglapas sa Customs Modernization and Tariff Act. (BANAT NEWS)
- Latest