Naga mogamit og solar power
Si Naga City Mayor Kristine Vanessa Chiong nibutyag nga ila nang gilagdaan ang Memorandum of Agreement (MOA) tali ni PNOC Chairperson Evelyn Paulino niadtong niaging semana. Philstar.com/File
CEBU, Philippines - Labing una nga local government unit unya ang Siyudad sa Naga nga makapahimulos sa 100 watt solar rooftop program sa Philippine National Oil Company (PNOC) Renewable Corporation.
Si Naga City Mayor Kristine Vanessa Chiong nibutyag nga ila nang gilagdaan ang Memorandum of Agreement (MOA) tali ni PNOC Chairperson Evelyn Paulino niadtong niaging semana.
Asoy ni Chiong nga daku og matabang sa siyudad ang maong proyekto kabahin sa bayrunon sa kuryente.
Diin sa maong proyekto, mogasto ang PNOC og P5 ngadto sa P8 bilyones ug walay gastuon ang kagamhanan sa siyudad.
Sa kasamtangan, ang dakbayan nagbayad og P11 sa matag kilowatt ngadto sa Visayan Electric Company (VECO) apan kon mag-solar na sila, magbayad na lang sila unya og P9 ngadto sa P9.50 matag kilowatt.
Si Mario Tercero, project manager sa PNOC niingon nga matag 1000 metro kwadrado, nagkinahanglan sila og 100 kilowatt power generation.
Samtang ang representante sa VECO nga nitambong sa maong kalihukan nagkanayon nga maayo kini nga kalambuan kay daghan na unya og kuhaan nga enerhiya sa panahon kon magnihit ang ilang suplay. (BANAT NEWS)
- Latest
