Silot nagpaabot ni Pogoy
CEBU, Philippines - Nabalaka ang kampo sa TNT KaTropa kay tingali pahamtangan og bug-at nga silot sa PBA Commissioner’s office ang ilang star rookie nga si Roger Pogoy tungod sa dili maayong binuhatan atol sa Game 2.
Si Pogoy gipalagpot sa playing court niadtong Biyernes human siya makit-i nga mihapak sa pribadong bahin ni San Miguel Beermen forward Arwind Santos atol sa usa ka rebound play didto sa Smart Araneta Coliseum.
Human sa maong hitabo, si Santos nga wala kapugong sa iyang kasuko mirumbo sab ni Pogoy. Ang Sugbuanong si Pogoy mirehistro og career-high 27 points sa Game 1 wala katampo sa ilang kapildihan sa Game 2. (BANAT NEWS)
- Latest