GG50s semis banatan na

CEBU, Philippines - Mobalik na ang aksiyon sa Guadalupe Golden 50’s Basketball Club First Conference diin upat ka teams ang mag-ilog sa luna sa finals karong adlawa diha sa Pardo Sports Complex, dakbayan sa Sugbo.

Unang magsangka sa ala-1 sa hapon mao ang no. 1 ug wa’y pildeng Aulga Hardware batok sa no. 4 Trangia/McMill, sundan dayon sa duwa  tali sa Power Forty ug Pardo Builders sa alas-2:30 sa hapon.

Nakabentaha ang Aulga Hardware ug ang Power Forty kay kaduha sila pildihon sa ilang mga kontra sa semifinals.

Ang mopatigbabaw sa semis maoy magsangka sa kampiyonato, samtang mag-ilog na lang alang sa ikatulong puwesto ang mangapilde. (BANAT NEWS)