‘Bata’ Reyes moduwa sa SEA Games
CEBU, Philippines - Ang giilang ‘magician’ nga si Efren ‘Bata’ Reyes morepresentar na sab sa nasud sa Southeast Asian Games sa Agosto didto sa Malaysia.
Si Reyes, 62-anyos maoy mangulo sa 11-man billiard ug snooker team uban ang paglaum nga makadaog og medalya sa Pilipinas. Si Reyes misakmit sa labing dako niyang kalampusan isip sakop sa national team niadtong tuig 2002, nidaog siya og bronze medal sa Asian Games didto sa South Korea.
Si Reyes ug si Francisco dela Cruz maoy moduwa sa English billiards singles ug doubles events, samtang laing mga banggiitang pool players sa nasud nga sila si Dennis Orcollo, Warren Kiamco, Carlo Biado ug Johann Chua maoy pambato sa Pilipinas sa 9-ball.
Ang Cebuana nga si Rubilen Amit ug si Chezka Centeno moduwa sa women’s 9-ball, samtang sila si Jefrey Roda, Basil Al-Shajjar ug Alvin Barbero sa snooker events. (BANAT NEWS)
- Latest