Aduna gyu’y motikangkang
CEBU, Philippines - Kay pareho man silang nakabaton og igong kusog, si Saul ‘Canelo’ Alvarez nagtuo nga duna gyu’y matikangkang sa dihang iyang hagiton si Kazakhstan legend Gennady Golovkin karong Septiyembre 16 alang sa tulo ka bersiyon sa world middleweight title didto sa Las Vegas.
Ang ilang sangka gilantaw nga maoy labing dako nga away sa boksing sukad sa engkuwentro nilang Floyd Mayweather Jr. ug Manny Pacquiao niadtong Mayo 2014.
Sila si Alvarez (49-1-1, 34KOs) ug Golovkin (37-0, 33KOs) nga maoy WBC-IBF-WBA middleweight champion, nag-abot kagahapon sa London alang sa first leg sa ilang global media tour aron ipublikar ang ilang sangka.
Ang duha parehong taas og knockout percentage mao nang daghan ang nagtuo nga naa gyu’y matumba nilang duha sulod sa 12 ka hugna nilang binukbukay.
“There’s a lot of probability there will be knockout, as we can both punch. I’m Mexican and he’s trained by a Mexican and the fans are in for a treat. There’s a high probability there will be a knockout,” matud pa ni Alvarez segun sa taho sa Agence France Presse.
Sa iyang bahin, si Golovkin, ang giyukboan nga labing eksplosibo nga boksidor karon sa kalibotan, nagkanayon nga si Alvarez maoy labing lisud nga hagit sa mabulokon niyang karera.
“This is the most difficult,” matud pa ni Golovkin nga napuno sa pagdayeg sa abilidad ni Alvarez.
“Canelo is ready, 100 per cent. I know him, he’s the best. I have a plan, my coach Abel Sanchez has a new idea. His power, his timing, he has a good team, he lives well, he has everything. He's tough.” (BANAT NEWS)
- Latest
