Jordan nalabwan na ni James
CEBU, Philippines - Dungan sa paghatod niya sa Cleveland Cavaliers sa laing NBA finals appearance, si LeBron James mihimo na usab og laing makasaysayanong rekord dihang nalabwan na niya si NBA legend Michael Jordan sa labing daghan nga puntos nga nahimo sa playoffs.
Si James mipasulod og tres sa nahabiling 2:40 sa third period alang sa ika-5,995 niya nga playoff points. Si Jordan nga maoy unang nagkupot sa rekord nga adunay 5,987 puntos.
Si Jordan nga nangulo sa Chicago Bulls ngadto sa unom ka NBA title niadtong dekada 90 miduwa og 179 ka playoffs games, samtang si James aduna nay 212 ka career playoff games.
Ang 32-anyos nga si James mao usab ang bugtong player sa kasaysayan nga miabante sa finals sa walo ka higayon uban sa Cavs ug Miami Heat. (BANAT NEWS)
- Latest