Ginobili di pa moretiro

CEBU, Philippines - Sa pagka karon, dili pa moretiro si Manu Ginobili.

Ang walhon nga shooting guard miiskor og 15 puntos sa dihang ang San Antonio Spurs   miyukbo sa hingpit sa Golden State Warriors, 129-115 sa Game-4 sa NBA Western Conference finals.

Sa dihang gipagawas siya sa nahabiling dos minutos sa duwa, ang mga fans sa San Antonio misinggit og “Ginobili!” sa tumang gikusgon sa ilang tingog.

Human sa 15 ka tuig, lagmit mao na kini ang katapusan niyang duwa sa NBA.

Apan sa dihang nahinabi human sa duwa, ang 39-anyos nga si Ginobili wala pa   makahukom kun tak-opon na ba ang tabil sa mabulokon niyang karera.

Gibati ni Ginobili nga puwede pa siyang makaduwa, apan dili kini mao ang iyang basihan sa iyang desisyon unya kun moduwa pa ba siya og balik o dili na. Karon nga season, mi-average siya og 7.5  points, 2.7 assists ug 2.3 rebounds matag duwa. (BANAT NEWS)