Crawford mipaduol sa Pacquiao fight
CEBU, Philippines – Gipadaku ni Terrence Crawford iyang tsansa nga sunod ikasangka ni Manny Pacquiao human siya mihimo og laing dominante nga kadaugan batok ni Felix Diaz kagahapon didto sa New York City.
Si Crawford nga misaka sa 31-0, 22KOs record midepensa sa iyang WBC ug WBO light welterweight title. "I'll fight anybody. It doesn't matter who it is," matud pa niya sa Associated Press.
Ang kampo ni Crawford nagkanayon nga prayoridad nila ang makuha ang kahigayunan nga ikasangka si Pacquiao nga dugay na nilang gihagit. Sama ni Pacquiao, si Crawford usa usab ka Top Rank Inc. boxer.
Si Crawford mipakita sa iyang ka maayong laki dihang iya rang giduwaan si Diaz sa wala pa niya kini paundanga sa 10th round. Sa iyang abilidad, daghan ang mitan-aw sa American fighter nga nindot iparang ni Pacquiao.
Gawas sa Pinoy boxing icon, si Crawford mitawag usab sa welterweight champion nga si Keith Thurman. Andam siya musaka sa welterweight division, apan tuyo usab niya nga maharus ang tanang bakus sa 140 lbs. division. LPM (BANAT NEWS)
- Latest