Remolino, Indaya nagpabiling kampiyon

CEBU, Philippines - Napanalipdan nila ni Andrew Kim Remolino ug Karen Mae Indaya ang tagsa-tagsa nila ka mga titulo sa 10th Olango Open Water Challenge didto sa Pacific Cebu Resort sa  dakbayan sa Lapu-Lapu kagahapon.

Si Remolino naghari sa men’s 6K division sa oras nga 1:28:08, samtang si Indaya mao sab ang nag-una sa women's class sa oras nga 1:31:40.

Sila si Loren Dale Echavez (56:00) ug Antone Villahermosa  (52:58) mao sab ang nanghawod sa 3K category. (BANAT NEWS)