Banat ( Leaderboard Top ), pagematch: 1, sectionmatch: 1

Hayag ang kaugmaon

CEBU, Philippines - Napanglantawan sa Samahang Basketbol ng Pilipinas nga hayag ang kaugmaon sa national basketball team tungod  sa nindot nga gipakita sa   Batang Gilas nga mikampiyon sa SEABA Under 16 Championship.

Sama sa Gilas Pilipinas, ang Batang Gilas miharos usab sa tanan nilang duwa sa SEABA U16 diin nakita ang dakung potensiyal sa mga Pinoy teen cagers.

Bisan pa og wala kaduwa ang duha nila ka 6-footers Fil-foreign players nga sila si AJ Edu ug Ethan Kirkness, ang Batang Gilas nakitaan gihapon og pipila ka mga players nga posibleng mamahimong kusog nga puwersa kun ugaling makaduwa na sila sa Gilas Pilipinas sa umaabot.

Kini naglakip nila ni point guard Rence Padrigao ug 6-foot-11 nga si Kai Sotto nga maoy alas sa Batang Gilas.

Si Padrigao mipakita sa iyang katakus isip playmaker ug shooter, samtang si Sotto nga nagpangedaron pa lang og 14-anyos gitan-aw nga maoy mosunod ni PBA MVP ug Gilas center June Mar Fajardo.

Ang Batang Gilas  mangandam sa mas lisud nga tahas sa FIBA Asia U-16 Championships nga mahitabo sa hinapos nga bahin ning tuiga. (BANAT NEWS)

  • Follow Us: