Lady trader pumalag sa holdap, inutas

MANILA, Philippines -  Patay ang isang 52-an­yos na negosyanteng babae nang pumalag sa holdap at pagsasaksakin ng dala­wang salarin sa Balangay 1-B, Poblacion, Quezon, Bukidnon, kamakalawa ng hapon. Kinilala ang nasawi na si  Marcelina Buhian, ng Balangay 6, Poblacion ng bayang ito. Nagtamo ng tatlong malalalim na saksak sa katawan at dalawa sa kaliwang braso ang ginang na idineklarang dead-on- arrival sa Saint Claire Hospital. Sa ulat ng Bukidnon Police, ala-1 ng hapon habang kagagaling lamang ng biktima at mister nitong si Marlon Buhian sa ASA Philippines sa nasabing lugar nang harangin ang motorsiklong sinasakyan nila ng magkaangkas ding suspek sa Bajaj motorcycle. Gayunman, tumanggi ang biktima na ibigay ang kanyang bag na naglalaman ng P82,000 kaya  pinagsasaksak ng isa sa suspek. Nang makuha ang pera, mabilis na nagsitakas ang mga salarin habang hindi sinaktan ang mister ng biktima.