Barroca nag-una sa All-Star voting
CEBU, Philippines - Ang point guard sa Star Hotshots nga si Mark Barroca maoy nag-una sa botasyon alang sa PBA All-Stars nga moduwa batok sa Gilas Pilipinas sa Abril 26, 28 ug 30.
Ang tulo ka duwa magsilbe nga tune-up games sa Gilas nga nangandam alang sa SEABA Championship sa Mayo. Ang mga duwa ipahigayon sa Lucena City, Cebu City ug Cagayan de Oro City.
Si Barroca maoy midawat sa labing daghang botos gikan sa mga PBA fans sa iyang 32,793 votes.
Gawas ni Barroca, upat usab niya ka teammates nga sila si PJ Simon, Rafi Reavis, Marc Pingris ug kanhi Gilas Paul Lee ang moduwa sa starting five sa PBA selection. (BANAT NEWS)
- Latest