Nobya Sinasakal ng Nobyo

Dear Vanezza,

Grabe ang nobyo ko ilang buwan pa lang kami, pero hinahawakan na ako sa leeg. Gusto niya siya lang ang laging nasusunod. Pati ba naman ang isinusuot ko. Nung una, kinikilig pa ako, pero ngayon gusto niya siya na ang may kontrol ng kilos ko. Pati kung sino lang ang dapat kong kaibigan sa Facebook. Mahal ko naman ang BF ko. Pero nasasakal na ako. Tama ba na makipaghiwalay na ako? – Beth

Dear Beth,

Tama ang iniisip mo na makipagkalas na sa BF mo. Kung ngayon pa lang na magdyowa kayo ganyan na siya umasta, isipin mo kung kasal at asawa mo na siya. Hindi puwedeng maging sunud-sunuran ka na lang sa iyong nobyo dahil may sarili kang pag-iisip at kalayaan.

Sumasainyo,

Vanezza