Banat ( Leaderboard Top ), pagematch: 1, sectionmatch: 1

Leylam FC, ERCO BRO mag-ilog korona sa 18th Aboitiz Football Cup

CEBU, Philippines - Usa ka init nga ‘rematch’  ang seguradong mahitabo sa dihang ang   defending champion Leylam FC  makigsangka sa ERCO Bro FC alang sa men’s open title sa 18th Aboitiz Football Cup  karong gabii diha sa Cebu City Sports Center.

Ang duha  miabante sa finals human midaog batok sa tagsa-tagsa nilang kaatbang sa semifinals  kagahapon. Ang Leylam FC midaog batok sa Rising Sun, 2-1, samtang ang ERCO Bro nakaipsot sa Samba FC, 3-2.

Si Leylam coach Oliver Colina miingon nga   moduwa sila nga walay reinforcement gikan sa Manila lahi sa ERCO Bro nga bidahan sa  kanhi team captain sa Philippine Azkals nga si Chieffy Caligdong.

Sa laing bahin, ang Sacred Heart School-Ateneo de Cebu misakmit sa boys 13 title pinaagi sa usa ka dominanteng 5-2 nga kadaugan batok sa Don Bosco Technology Center.

Nakabawi hinuon ang  Boscnonians  gumikan kay ang ilang under-15 division  team mao man ang naghari human gibuntog ang  SHS-Ateneo sa iskor nga  3-1 . (BANAT NEWS)

  • Follow Us: