Banat ( Leaderboard Top ), pagematch: 1, sectionmatch: 1

Folayang mosunod ni Pacquiao

CEBU, Philippines - Managlahi ang ilang combat sports nga gibidahan,  apan si Filipino mixed martial arts world champion  Eduard ‘Landslide’ Folayang mao ang gitudlo nga sumusunod ni Pinoy boxing icon Manny Pacquiao isip sunod bayani sa nasud sa natad sa paugnat sa kusog.

Si Folayang, kinsa misakmit sa ONE Championship lightweight world title niadtong Nobiyembre pinaagi sa knockout batok ni Japanese legend Shinya Aoki, gitan-aw nga sunod fighter nga maghatag og dungog ug inspirasyon sa mga Pinoy.

Si ONE Championship chairman Chatri Sityodtong nagkanayon nga sa nagkaduol nga pagretiro ni Pacquiao sa boksing, magkinahanglan ang Pilipinas og laing sports icon ug si Folayang ang gilauman.

“(Pacquiao) is going to leave a big void in the Philippines because he is a sports hero. I believe Eduard Folayang has all the right makings of becoming the next flag bearer of the Philippines on an international stage,” matud pa ni Sityodtong sa The Philippine STAR, ang igsuong mantalaan sa Banat News.

Si Folayang gitakda nga modepensa sa iyang bakus  batok sa wala pa hisayring kontra sa tunga- tungang bahin  ning tuiga didto sa Mall of Asia Arena. (BANAT NEWS)

  • Follow Us: