Ginebra nakuratan depensa sa San Miguel; Abilidad ni Castro pang-NBA

CEBU, Philippines - Kun papilion siya og usa ka PBA player kansang  abilidad pang-NBA,  pilion ni Meralco Bolts coach Norman Black si TNT KaTropa point guard Jayson Castro.

Ang duha dugay nang nakauban  isip kabahin sa Gilas Pilipinas sa dihang si Black pa ang head coach sa Talk N’ Text, apan sa taas nga panahon wala gihapon mahupas ang bilib  sa Amerikanong coach ngadto ni Castro.

Subling nasinati ni Black ang kabangis ni Castro dihang ang nauwahi mao ang naghatag kaniya og suliran sa depensa atol sa semifinals series sa TNT ug Meralco.

Si Black nagkanayon nga mosidlak si Castro kun ibutang sa NBA D-League tungod kay aduna kini katakus nga mahimong usa ka epektibong point guard sa NBA.

“The NBA D-League is easy for him,” matud pa niya sa The Philippine STAR, ang igsuong mantalaan sa Banat News.

Ang back-to-back “Best point guard in Asia” nga si Castro nag-average og 22.4 points, 7.6 assists, 3.8 rebounds ug 1.3 steals nga mihimo kaniya nga usa sa mga lig-ong kandidato alang sa MVP award sunod ni June Mar Fajardo sa San Miguel. (BANAT NEWS)