Pulpogan nanginit dayon sa Consolacion caging

CEBU, Philippines - Gisugdan sa Pulpogan ang ilang kampanya pagdepensa sa ilang titulo pinaagi  sa pagpilde sa Nangka, 87-79 sa inter-barangay category A sa 6th Mayor Teresa P. Alegado Fiesta Basketball League didto sa Consolacion, Cebu.

Si Harold Javier mitali og 17 puntos, samtang sila si Russel Moneva ug Joefel Bangkal nagkumboya’g 26 puntos alang sa  Pulpogan  nga daling nakabawi human sa bugnaw nga sinugdanan aron paghimo sa 19-23 nga alkansi ngadto na sa 68-57 nga bentaha human sa tulo ka kuwarter. Wala na makabangon pa sukad niadto ang Nangka bisan pa man sa pagsalida nilang Romar Ponce ug Abraham Enriquez nga nakatigum og 38 puntos.

Sa laing duwa sa category A, si Danny Nillas mitali og 10 puntos aron pangulohan ang 74-68 nga kadaugan sa Pitogo batok sa Cabangahan, 74-68.

Sa inter-barangay category B,  si Jenmar Arcilla dunay 14  puntos ug si Julito Medillo midugang og 13 puntos alang sa Lanipga nga mipukan sa Panas, 65-44.

Si Ramesis Luperte miposa og 15 puntos aron pagtuboy sa Garing ngadto sa 47-19 nga masaker sa Panoypoy, samtang sila si Joseph Pepito ug Franie Suson nagkumboya og 23 puntos sa Polog nga mipakaging sa Tolo-tolo, 44-30.

Sa SK category B, si Kyle Bathan mipabuto og 28 puntos aron pag-aswat sa Tolo-tolo ngadto sa 64-40 nga daog batok sa Olog, sila si Mandy Tundag ug Mark Cantago mikadlit og 30 puntos sa 56-52 nga daog sa Lanipga batok sa Panas, samtang sila si Shundave Capangpangan ug Edward Lacio mitali og 33 puntos sa dihang gibihag sa Garing ang Panoypoy, 43-34.

Sa SK category A, si Booker Panta mipuntos og 15, samtang sila si Jade Jadulco ug Jajaint Maglasang mihipos og 14 puntos matag usa