Pagutlan temporaryong nagsolo sa liderato sa J.J. Surplus Caging 2016

CEBU, Philippines - Temporaryo karon nga nagsolo sa liderato ang Pagutlan human nidaog batok sa El Kapitan, 78-71 sa J.J. Surplus Ballclub Basketball Tournament 2016  niadtong Lunes sa Talit’s Garden open court sa Tayud, Lilo-an.

Gipangulohan ni Marmar Lisarraga ang kadaugan sa iyang 19 puntos, samtang laing tulo niya ka teammates ang mihimo sab og double digits. Si Hiram Cantillas mirehistro og 15 puntos, midugang sab og 13 puntos si Roger Alcuizar, samtang si En-En Seno miamot og 10 puntos sa Pagutlan.

Sa kasamtangan, ang Pagutlan nagtangag na og 3-0 nga baraha ning maong torneyo nga giorganisar ni league commissioner Fury Trazano.

Abante og kuwatro puntos ang Pagutlan paghuman sa unang 10 minutos sa duwa, 20-16 ug nahimong kulbahinam ang ang aksiyon dihang nagsinukliay og mga puntos ang duha hinungdan nga wala kaayo kalabaw og daku ang Pagutlan.

Gamay ra unta ang labaw, apan naprotektahan gyud kini sa Pagutlan hangtod nakuha ang kutas nga kadaugan.

Si Jun Jumamoy maoy nangu sa scoring sa El Kapitan nga miburak og 17 puntos, samtang sila si Syljan Salibongcogon ug Mandy Salibongcogon mitampo’g 15 ug 10 puntos alang sa ilang 2-1 record.

Sa laing aksiyon, ang JM Hayag Marketing ni Joelee Hayag yano kaayong miiskor og daog human ilang gitagud-tagod ang Union Galvasteel,  77-53.

Sila si Casper Bugtai ug Pane Villegas maoy nagda og kahayag sa JM  Hayag dihang ilang gipangulohan ang 26-8 run atol sa third period aron molansang og 55-32 nga bentaha paingon sa final period.

Si Casper mikulit og 21 puntos, samtang si Villegas mikamada og 15 puntos sa JM Hayag nga nakarekober human mabiyai sa first quarter, 10-14.

Bugtong si Henry Gestopa lang ang miiskor og double figures sa Union Galvasteel sa iyang 12 puntos.

Sa laing bahin, ang Junrey Marketing midaog pinaagi sa forfeiture batok sa Narasaki.

Puntos matag usa

Unang duwa:

PAGUTLAN (78) – Lisarraga 19, Cantillas 15, Alcuizar 13, Seno 10, Judilla 8, Bontol 4, Aton 3, Ruiz 2, Pagobo 2.

EL KAPITAN (71) – Jumamoy 17, S. Salibongcogon 15, M. Salibongcogon 10, Torres 7, Achumbre 6, W. Salibongcogon 6, Ybañez 3, Abraham 3.

Ikaduhang duwa:

JM HAYAG Marketing  (77) – Bugtai 21,  Villegas 15, Sarchez 9, A. Maglasang 8, Pepito 6, Lofranco 4, Sanoria 4, M. Maglasang 4, J. Hayag 3, B. Hayag 3.

UNION Galvasteel (53) – Gestopa 12, Tigbas 7, Gellacone 6, Tiongson 6, Labustro 3, Jo. Orongan 3, Boyles 2,  Ju. Orongan 2, Judaya 2, Carreon 2, Flores 1, Ravanna (BANAT NEWS)