Beermen nagpangagot na nga mobawos sa Gin Kings karon
CEBU, Philippines - Nagpangagot na ang San Miguel Beermen nga mobawos sa ilang igsuong koponan Barangay Ginebra nga mipilde kanila sa Game-1 sa “best-of-five” semis niadtong Lunes.
Tuyo sa Beermen nga motabla sa serye sa Game-2 karong gabii didto sa Smart Araneta Coliseum.
Ang veteran point guard sa Beermen nga si Alex Cabagnot nagkanayon nga pabilin ilang kompiyansa bisan pa sa maong kapildihan ug kursanada sila nga mobawos karon.
Si Beermen coach Leo Austria miingon, kinahanglan nga motampo og daku sa opensa ang mga lokal ilabi na kun maglisud ilang import nga si Elijah Millsap, kinsa mirehistro og 29 puntos sa Game-1, apan nalupigan siya sa iyang kontra nga si Justin Brownlee nga adunay 39 puntos. (BANAT NEWS)
- Latest