Gaisano Country Mall anniversary Run sa Oct.1
CEBU, Philippines - Andam na ang tanan alang sa tinuig nga Gaisano Country Mall anniversary run sa Oktubre 1 didto sa nahisgutang mall sa Banilad, siyudad sa Sugbo.
Gawas nga kabahin kini sa ilang ika-23 nga anibersariyo, ang mga organizers naghinam-hinam sa lumba tungod kay usa kini ka fund-raising activity alang sa Operation Mobilization Philippines-Cebu, usa ka non-government group nga makigtambayayong sa mga simbahan aron matabangan ang mga kabus.
Mga kategoriya nga mahimong salmotan sa mga runners naglakip sa 21K, 15K, 10K ug 5K categories.
Ang registration fee nagkantidad og P650 sa 21K, P550 sa 15K, P450 sa 10K ug P350 sa 5K libre na ang singlet, race bib, loot bag, snacks ug raffle stub alang sa raffle draw human sa lumba. Mahimong magparehistro didto sa Gaisano Country Mall customer service ug Active Zone sa Ayala. (BANAT NEWS)
- Latest
