16th CESAFI all-star line-up nahitsas na

CEBU, Philippines - Ang commissioner’s office sa Cebu Schools Athletic Foundation, Inc. mipagawas na sa listahan sa mga magduduwa nga mopakita og aksiyon sa 2016 CESAFI All-Star Game diin magtige ang West batok sa East karong Domingo diha sa Cebu Coliseum.

Mihimo hinuon og gamay nga kasikas ang pagpili sa mga coaches ning higayona. Segun sa naandan, ang mga coaches  niadtong teams nga dunay labing nindot nga rekord human sa eliminasyon   awtomatik nga modala sa tagsa-tagsa nila ka kampo.

Subay niini, si Raul ‘Yayoy’ D. Alcoseba sa Southwestern University-Phinma mao unta ang modala sa East human gitimon ang Cobras ngadto sa impresibong 12-0 sweep sa double round elimination, samtang si Jun Noel sa University of San Jose-Recoletos Jaguars o dili ba si Gary Cortes sa University of the Visayas Green Lancers alang sa West.

Apan sila si Kenneth Kern Sesante sa University of Cebu Webmasters ug Albert Alocillo sa University of Southern Philippines Foundation Panthers maoy gitudlo isip East ug West coach.

Mao sab ang nahitabo sa juniors division.  Imbes nga si Rommel Rasmo sa three-time defending champions Sacred Heart School-Ateneo de Cebu Magis Eagles, si Rod del Rosario sa Cebu Eastern College Dragons maoy mo-coach sa East, samtang si Phil Mercader sa UV Baby Lancers maoy modala sa West.

Dali hinuon nga gidepensaan ni CESAFI commissioner Felix  ‘Boy’ O. Tiukinhoy Jr. ang maong lakang sa liga.

Sa laing bahin, sila si Bernie Bregondo, Shaq Imperial, Jovanie Luz, Ian Ortega, Mark Jayven Tallo ug Quentin Nzuzi maoy mangu sa East All-Stars sa collegiate division.

Ilang ikauban sila si Conrad Catapusan, Lucky Ecarma, Ian Tagapan, Kevin Oleodo ug Victor Rabat sa USC, Peter Codilla, Justine Dacalos, Garciano Puerto ug Gileant Delator sa UC ug John Lucena ug Marlo Pono sa CIT-U. Ilang banggaon ang West nga naglangkob nilang Rey Suerte, Alfred Codilla, Josue Segumpan, Jan Soliva, Jerome Napao ug Bassieru Sackor sa UV, Ralph Dinolan, Miguel Gastador, Jaybie Mantilla ug Nelvin Navarra sa USJ-R ug  Lyndon Colina, Roy Quiachon ug Gilberto Sastrillas sa USPF.

Sa juniors division, mokumbati sa East mao sila si Jed Colonia, Eroll Pastor, Christian Manaytay, Travis Mantua ug Andrew Velasco sa SHS-Ateneo, John Damolo, Juan Miguel de la Torre ug Al Mendez sa Don Bosco, Kaise Dave Manlapat, Harvey Sanchez ug James Tempra sa CEC, Patrick Montaño ug Diether Quijada sa SWU-Phinma ug Rafael Garro ug Gerald Iñigo sa USC. Ilang sangkaon ang West nga pagabitoonan nilang Jancork Cabahug, Froiland Maglasang, Marvin Oche ug Mike Bayaton sa UV,John Cuyos, Yannick Enriquez, Luigi Gabisan ug Gelmart Umpad sa UC, Dave Ando, John Gonzaga ug Joshua Ortiz sa USJ-R, Gabriel Cometa ug Vincent Lequin sa USPF ug Marion Abinuman ug Ivan Ares sa CIT-U. (BANAT NEWS)