Perlas Pilipinas kampiyon sa SEABA
CEBU, Philippines - Human sa unom ka tuig nga pinaabot, hingpit nang mibalik isip numero unong women's basketball team sa Southeast Asia ang Perlas Pilipinas dihang ilang gipukan ang host team Malaysia, 77-73, sa SEABA Women's Championship niadtong miaging gabii didto sa Bukit Serindot Indoor Stadium sa Malaysia.
Ang Perlas aduna pay nahibiling duwa batok Thailand, apan mudaog ug mapilde, gihatag na kanila ang gold medal tungod usab sa ilang 5-0 win-loss record.
“I’m so happy, not just for myself but for the girls, the country and for Philippine women’s basketball,” matud pa sa ilang head coach nga si Patrick Aquino sa Sports5.
Labaw unta og daku ang Perlas nga gituohan nga mulubong na usab sa ilang kaatbang, apan nakalitan sila sa 11-0 rally sa mga Malaysians rasun sa ilang single-digit nga daog.
Ang Perlas gikahadlokan sa torneyo human nila tagsa-tagsa nga gipanglat-an ang tanan nilang gikasangka lakip na ang 147 puntos nga kadaugan batok sa Laos niadtong miaging semana.
Si Allana Lim maoy nangulo sa mga Pinay cager sa iyang 16 puntos, samtang sila si Afril Bernardino ug Ambi Almazan pulos mirehistro og double-double sa ilang 14 puntos ug 10 ka rebounds ug 10 puntos ug 12 ka rebounds matag usa.Nangulo sa host team si Fook Yee Yap sa iyang 23 puntos. (LPM)(BANAT NEWS)
- Latest
